|
|
【韓流】素顏拍《尹食堂》獲讚夠可愛 34歲鄭有美頻做運動Keep身形
2017-5-19 10:00
於人氣韓片《屍殺列車》飾演大肚婆「盛京」一角嘅34歲女星鄭有美，早前孖男星李瑞鎮及兩位資深演員尹汝貞、申久演出韓國金牌導演羅䁐錫製作嘅綜藝節目《尹食堂》，獲觀眾大讚佢夠可愛再次上位。日前鄭有美為雜誌影新相並受訪時，就大談到拍攝《尹食堂》嘅感受。
《尹食堂》係鄭有美首次拍攝嘅綜藝節目，講4位演員去峇里一個小島挑戰開韓國餐廳，鄭有美之前亦多次提到因為前輩尹汝貞先演出，而節目中佢亦好細心幫忙前輩，甚至照顧埋工作人員，好性格同樣獲粉絲欣賞。
鄭有美受訪時表示自己都有撐《尹食堂》場：「我以觀眾嘅身份都睇得好開心，而且拍攝時我一直喺廚房，唔知客人嘅反應、對話，依家睇返覺得好神奇。」鄭有美更喺節目中素顏出鏡：「忙起上嚟真係唔得閒理自己嘅外貌，而且化妝技巧唔係特別好，所以只係簡單畫咗眉毛、塗唇膏就算。」
鄭有美亦提到自己維持身形嘅秘訣：「如果當日有拍攝日程，起身後飲一杯穀物飲品頂肚，拍攝途中就唔會食嘢。而且我會做好多運動，包括瑜伽、PT、健康舞等。」
↑ 鄭有美為雜誌影新相
出處: Apple Daily
|
|
发表于 2017-5-19 19:49
