|
|
【《男朋友》集集追】朴寶劍漏夜飛車見喬妹 深情表白： 想見你所以才過來
(HKT): 1205 22:10 appledaily
由韓國神劇《太陽的後裔》女星宋慧喬孖朴寶劍主演嘅tvN新劇《男朋友》上周三首播，開播收成績十分理想，到上周四播出第2集收視即破雙位數。而今日韓國就播出第3集，港迷稍後可於「黃Viu煲劇平台」同步追睇。
今晚《男朋友》播出第3集，承接上一集 首爾市長嘅女兒車秀賢(宋慧喬飾)喺古巴出差後遇上平凡青年金振赫(朴寶劍飾)，兩人回韓國後，朴寶劍竟然成為喬妹嘅下屬，兩人更甜蜜去食拉麵，點知約會照片卻登上熱搜……
今集一開始就講喬妹之前要求同前夫離婚時，曾被奶奶要求佢即使離婚後也要保持聲譽。而喬妹同朴寶劍嘅照片流出後，前奶奶即來到喬妹辦公室問責，仲起晒朴寶劍底，又威脅喬妹如果做出一啲有損聲譽嘅事，將會失去一切。至於喬妹媽咪又去責備女兒，並叫喬妹要向前夫家道歉，並重新返回前夫家，但喬妹今次就唔肯再屈服。
喬妹前夫唔肯復婚，仲同阿媽講數，原來前夫本身係鍾意喬妹，又知喬妹當年同自己結婚係因為父親關係才結婚，佢想畀喬妹自由，所以唔肯復婚，同時叫媽咪唔好打喬妹間童話酒店主意。
喬妹去咗出差，喬妹個司機就專登叫埋朴寶劍一齊去出差，喬妹同朴寶劍相遇即互相慰問對方，朴寶劍更邀請喬妹一齊去遊覽一下，兩人喺車上飲咖啡及食嘢，朴寶劍突然情深話：「從今天開始第一天。」喬妹問同邊個，朴寶劍就話同嘢食。
朴寶劍離開後因為聽到電台播出當日喺古巴同喬妹一齊聽嘅歌曲，情急之下即問友人借車漏夜再揸車去酒店搵喬妹，兩人一齊出去，喬妹感謝朴寶劍前來，但問佢原因，朴寶劍話喺電台聽到喺古巴一齊聽嘅音樂，所以就過來，朴寶劍問：「我們到底係甚麼關係才正確？」又問喬妹下屬對上司咁樣做是否正確，直言佢哋關係好曖昧，最後朴寶劍更索性直接表白：「我想見你所以才過來。」
原來前夫係想讓喬妹過自己嘅生活，所以先唔肯復婚
朴寶劍嚟到喬妹出差嘅地方 |
|
发表于 2018-12-5 14:16
親娘怨毒兇狠, 派頭公主能強勢反抗嗎? 等睇好戲在後頭